Incidenti i ndodhur mbrëmjen e djeshme në transmetimin live të “BBVA4” vijon të komentohet në rrjet.
Këtë herë në qendër të vëmendjes, më shumë se veprimi i Jozit është sjellja e Rozanës.
Kujtojmë se pasi u mësua se Jozi eliminohet nga gara, ai u bë gati për të lënë shtëpinë e “Big Brotherit”. Teksa Gjesti tentoi t’ia hapte derën, siç ka bërë dhe me banorët e tjerë që përfunduan garën e tyre në këtë format, Jozi është irrituar nga ky veprim dhe e ka goditur rëndë.
Pasi u dëgjua një kërcitje grushti, Gjesti përfundoi në tokë dhe në ambientet e shtëpisë u dëgjuan disa britma, që ishin të Eglit dhe Gertës.
Mirëpo ajo që tërhoqi vëmendjen e ndjekësave të këtij programi ishte mungesa e reagimit nga ana e Rozana Radit.
Në videon e mëposhtme ku shfaqet momenti i incidentit, vërehet këngëtarja që ndodhet prapa kurrizit të Jozit në momentin kur plasi grushti, e cila nuk ka bërë asnjë lëvizje për ta parandaluar ngjarjen apo për të ndihmuar Gjestin.
Ky mosreagim nga ana e Rozanës është kryqëzuar goxha në rrjet.
Kujtojmë se Rozana është vënë re për marrëdhënien e ngrohtë që krijoi me Gjestin dhe stepja e saj në këtë moment të vështirë për artistin nga Kosova, bëri bujë në rrjet.
Nga ana tjetër, Rozana ruajti një marrëdhënie të mirë dhe me Jozin.
Duke qenë se kishte marrëdhënie të mirë me të dy, mbase kjo mund të ketë qenë e vërteta e mosreagimit nga ana e saj. Por asgjë nuk dihet e sigurtë!/ Radar.al