Që pas atentatit të rëndë të organizuar ndaj Kristjan Markut policia vijon ende të marrë dëshmitë e disa personave në lidhje me ngjarjen e ndodhur në autostradën Fier-Vlorë, në afërsi të fshatit Novoselë.
Teksa nga pamjet e siguruara po shqyrtohen lëvizjet e mjeteve që bëjnë orët e para të mëngjesit gjatë gjithë ditës kur edhe ndodhi ngjarja mësohet se policia ka dyshime se qitësit të jenë nga Vlora apo të jenë ndihmuar nga persona që e njohin mirë territorin.
E gjitha kjo për faktin e dinamikës së ngjarjes që nga vjedhja e targave të oficerit të policisë dhe më pas përdorimi i tyre në atentat deri tek largimi i autorëve.
Në kamerat e një prej bizneseve të karburantit vërehet momenti i kalimit të dy automjeteve, viktimës dhe autorëve.
Autorët e kanë ndjekur viktimën dhe më pas e kanë qëlluar duke iu afruar me sinjal ndezur paralel.
Në dëshmitë e mbledhura nga grupi hetimor të dëshmitarëve, fillimisht është dëgjuar një e shtënë dhe më pas më radhë.
Automjeti i autorëve me sinjal ndezur i është afruar makinës që drejtohej nga Kristian Marku dhe më pas e kanë qëlluar.
Janë dëgjuar frenimet dhe fërkimet e gomave të automjeteve në autostradë, ndërkohë më pas mjeti që drejtohej nga Kristian Marku ka ecur për inercinë, duke u përplasur me trafikndarësen.
Sipas grupit hetimor, besohet të zbardhet vjedhja e targës, për hetimin do të jetë edhe më e lehtë zbardhja e ngjarjes.
Megjithatë, grupi hetimor bën me dije se vrasja e automjeteve në ecje nuk mund të kryhet nga persona që janë pa përvojë në atë fushë pasi vrasja kërkon përqendrim dhe precizion në momentin që makinat ecin.