ITALI-Mbrëmjen e së mërkurës në emisionin italian, “Chi l’ha visto” në Rai3 janë zbardhur detaje të reja sa i takon vrasjes së shqiptares Ilaria Sula nga ish-i dashuri i saj filipinas, Mark Samson.
Në këtë format transmetohet dëshmia e një vajze, e cila tregon bisedat që kishte bërë me të riun, i cili i kishte shkruar para dhe pas vrasjes së Ilaria Sulës.
E reja tregoi sesi djali i kishte thënë asaj se po kalonte një kohë të vështirë dhe ishte i etur për të takuar njerëz të rinj.
“Ai më tha se po kalonte një kohë të keqe dhe donte të bënte miq të rinj.”-shpjegoi dëshmitarja.
Kërkesa këmbëngulëse për një takim
Vajza tha se ajo dhe Marku sapo ishin takuar përmes chat-it dhe se ai, pasi kishte thënë se ishte në dispozicion për ta takuar. Një ditë para vrasjes së 22 vjeçares, ai e kishte pyetur nëse kishte ndonjë shok dhomë.
“Ai më pyeti nëse kisha ndonjë shok dhome dhe më dërgoi mesazhe gjatë gjithë ditës më 25 mars. Ai vazhdoi të kërkonte të na shihte,” shpjegoi vajza, duke kujtuar këmbënguljen e filipinezit.
E reja më pas tha se Marku i kishte dërguar fotot, përfshirë një të bërë në zonën Furio Camillo, ku jetonte vajza.
“Ai më shkroi se po kalonte një kohë të keqe dhe donte të bënte miq të rinj”, tha ajo, duke lënë të kuptohet se ai po përpiqej të lidhej me të, edhe pse ajo nuk po i përgjigjej mesazheve të tij.
Qëndrimi gjithnjë e më këmbëngulës i Markut ngriti një dyshim në rritje tek vajza, e cila tregon se ai i kërkontë që të bënin një bisedë, madje i dërgonte edhe foto.
Edhe pse ajo nuk u përgjigj, ai vazhdoi t’i dërgonte mesazhe dhe t’i telefononte, duke shfaqur shenja këmbënguljeje të vazhdueshme. Më pas, përsëri kur Ilaria ishte vrarë, ai vazhdontë të kërkonte një takim me vajzën.
“Ai filloi të këmbëngulte se donte të vinte në shtëpinë time dhe të sillte pije, unë thashë jo, duke thënë se i dashuri im ishte në shtëpi për ta larguar nga qëllimi i tij”, shtoi vajza, duke përshkruar një mesazh në të cilin Marku, i shoqëruar me një foto të një brioshi, u përpoq ta shtynte për ta takuar. “A mund të qëndroj me ju? “Unë do t’ju sjell një briosh,” shkroi Mark Samson.
Ilaria Sula u zhduk më 25 Mars të 2025. Teksa nga kjo datë duheshin pak ditë për festën e Bajramit, familja Sula e priste vajzën 22-vjeçare të kthehej nga Roma ku studionte për Statistikë në “La Sapienza”, në Terni për të festuar FITER Bajramin. Kjo nuk ndodhi. Mbrëmjen e së martës së 25 Marsit Ilaria doli nga apartamenti në Romë ku jetonte me shoqe për të ndarë qeranë dhe u largua pa marrë asgjë me vete, gjë që tregonte një sjellje normale të saj. Orët kaluan dhe ajo nuk u kthye në shtëpi, shoqeve nuk iu ktheu më mesazhet gjithashtu as familjarëve. Të shqetësuar për fatin e së bijës e ëma dhe i ati i Ilarias denoncojnë zhdukjen e saj. Pista kryesore e hetimit ishte Mark Samson. 23-vjeçari filipinas, ish-i dashur i studentes shqiptare. Më 2 Prill ai ka pranuar krimin dhe ka dërguar policinë 40km larg Romës, në Poli, pikërisht në vendin ku nga një shkëmb, zonë pyjore, hodhi valixhen brenda së cilës gjendej trupi i pajetë i Ilaria Sulës. Ai në dëshminë e tij shprehet se është penduar për gjithçka ka bërë ndërsa zbulohet se krimin e ka kryer në banesën e tij. Hetimet kanë zbuluar se ai është ndihmuar për krimin nga nëna dhe miqtë e tij./Radar.al
“Duroni edhe 30 ditë…” Rama nga “SY m’SY”: Do dilni të trishtuar nga 11 Maji…
PS çel të shtunën fushatën për zgjedhjet e 11 Majit, Rama zbulon risinë
Vota e diasporës/ Celibashi sqaron si do procedohet me fletën e votimit për emigrantët
“Miku im, Laert, HEROI tipik i kohës sonë”/ Viktor Zhusti: Përse “pe*ofilia”…
“Roli i Trump më 11 Maj”/ Rama: Jam mik me Kushner, marrëveshja për Sazanin s’është finalizuar