Një ngjarje e rëndë tronditi ditën e sotme qytetin e Fierit, ku nënë dhe bir, të cilët udhëtonin me motor, u qëlluan me armë zjarri nga një makinë në lëvizje.
Në lidhje me këtë ngjarje gazetari i EuroNews, Griseld Zenuni ka arritur të grumbullojë detaje të reja.
Gazetari raporton se fatmirësisht djali devijoi motorin dhe asnjë nga plumbat nuk ka prekur as të riun dhe as nënën e tij.
Gruaja mësohet se është plagosur pas aksidentimit të motorit me të cilin po udhëtonte me djalin e saj, në momentin kur i biri devijoi për t’iu shpëtuar plumbave.
“Suzana Mernica është plagosur kur motori është aksidentuar, ndërsa djali nuk ka marrë dëmtime. Plumbat e dalë nga arma e zjarrit nuk i kanë prekur. Pas raportimit të parë thuhej se Suzana ishte plagosur nga arma e zjarrit, por pas verifikimeve ajo nuk ka plagë nga arma e zjarrit, por plagë nga rënia me motor gjatë aksidentit, ku djali ka bërë manovra për t’i shpëtuar plumbave. Ajo ndodhet në spital jashtë rrezikut për jetën, ndërsa sipas të dhënave”, tha korrespondenti i Euronews Albania.
Siç dhe u raportuam pak më parë, ngjarja në fjalë dyshohet se ka të bëjë me vrasjen e policit Novruz Cenalia e kryer nga Azgan Mernica.