FIER–Mesditën e kësaj të mërkure janë regjistruar të shtëna me armë zjarri në fshatin Sulaj të Fierit. Nga informacionet paraprake mësohet se ka mbetur e plagosur një grua, ndërsa ende nuk dihen shkaqet që kanë çuar në këtë përplasje me pasojë një të lënduar.
Bëhet me dije se policia ka identifikuar autorët e plagosjes, i ka shpallur në kërkim dhe po punojnë për kapjen e tyre.
Ndërkohë vijon puna për zbardhjen e plotë të dinamikës së ngjarjes.
Fier/Informacion paraprak
Plagosën me armë zjarri një shtetase, identifikohen dhe shpallen në kërkim autorët(babë e bir).
Rreth orës 14:00, në vendin e quajtur “Mbikalimi i Dërmënasit”, në rrethana ende të paqarta, është plagosur me armë zjarri shtetasja S. M.
Nga hetimet paraprake dyshohet se autorë janë shtetasit A. C., 66 vjeç dhe A. C., 23 vjeç, banues në Dërmënas (babë e bir), të cilët janë shpallur në kërkim.
Janë ngritur menjëherë pika kontrolli në hyrje/daljet e qytetit të Fierit dhe në akset “Fier-Vlorë”, “Fier-Lushnjë”.
Gjithashtu, shërbimet e Policisë vijojnë krehjen e zonës, me qëllim lokalizimin dhe kapjen e autorëve.
Grupi hetimor ndodhet në vendngjarje dhe në drejtimin e prokurorit, po punon për sqarimin e rrethanave të ngjarjes, si dhe për fiksimin e çdo prove që do t’i shërbejë hetimit, me qëllim kapjen e autorëve./Radar.al