Detaje të reja tronditëse kanë dalë në pah nga vrasja e shqiptares, Ilaria Sula.
Mediat italiane kanë raportuar zbardhjen e një pjese dëshmie të mamasë së Samson.
“Kam fjetur në mbrëmje. E kuptova se ishte një person tjetër në shtëpi vetëm mëngjesin e 26 marsit, kur pashë dy filxhanë kafe. I dëgjova duke u grindur, pastaj asgjë, hapa derën dhe pashë vajzën e vdekur. Më ra të fikët” thuhet se deklaroi Nors Manlapaz.
Kujtojmë se Nors akuzohet për ndihmën që i ka dhënë djalit të saj që të pastronte gjakun e Ilaria Sulës.
Por referuar hetimeve të fundit, ku gjurmët e gjakut të gjetura me luminol nga policia mjeko-ligjore në të gjithë shtëpinë dhe në veçanti në corridor, mendohet se ndaj mamasë mund të ndryshojnë.
Hetuesit po përpiqen të kuptojnë nëse bëhet fjalë për një gjurmë të lënë nga viktima, e cila u sulmua nga mbrapa dhe u godit tre herë me thikë kuzhine. E mbase në tentativë për të ecur drejt derës së banesës mund të ishte mbështetur pas murit me duart e lyera me gjak.
Il Messaggero shkruan se nëse Ilaria do të kishte ndotur murin e korridorit në një përpjekje për t’u arratisur dhe Nors Manlapaz nuk e kishte gjetur tashmë të vdekur në dhomë, por e kishte parë në agoni pa thirrur ndihmë, akuza mund të shndërrohej nga fshehja e një kufome në bashkëpunim në vrasje.
Gjithseis dyshohet dhe se njolla mund të jetë bërë edhe teksa po përpiqeshin të hiqnin qafe trupin duke e futur në një valixhe që Marku mori nga dhoma e prindërve të tij.
Referuar dëshmisë së fundit mësohet se Mark ka pohuar se të dy kanë kryer marrëdhënie seksuale atë natë (që do të verifikohet gjatë autopsisë) dhe në mëngjes, pasi i kishte sjellë mëngjesin në dhomën e saj, ai i mori jetën.
Por veshjet, pantallonat e zeza dhe një xhup i bardhë dhe jo pizhamet, me të cilat u gjet trupi e rrëzojnë këtë teori.