ITALI-Detaje të reja junë zbuluar sa i takon ngjarjes së rëndë në Romë të Italisë ku mbeti e vrarë 22-vjeçarja shqiptare, Ilaria Sula.
Studentja shqiptare është vrarë me thikë nga ish-i dashuri i saj filipinez dhe pasi trupi i pajetë i saj është futur brenda nëj valixheje është hedhur nga një shkëmb 40 km larg Romës.
Ndërkohë përveç nënës së autorit të krimit mësohet se janë përfshirë në krim edhe dy shokë të Mark Samson.
E ëma e vrasësit ka pranuar rolin e saj në krim duke fshirë gjurmët e gjakut në banesë dhe është nën hetim për bashkëpunim në fshehjen e kufomës, por gjithashtu ka dyshime se dy shokët e Mark mund të kenë kontribuar në asgjësimin e trupit studentes shqiptare, ose e kanë ditur për krimin dhe kanë mbrojtur 23-vjeçarin filipinas.
Pika e parë që ngre dyshime janë qelizat telefonike me të cilat është lidhur celulari i viktimës pas vdekjes së saj, kur Mark vazhdonte të dërgonte mesazhe për të mashtruar të afërmit dhe miqtë e Ilarias.
Qelizat e celularit të saj përputhen me vendbanimin e dy të dyshuarve të cilët tashmë janë marrë në pyetje nga hetuesit dhe kanë mohuar të gjitha akuzat. Por janë edhe vështirësitë që ka hasur Marku për t’u treguar efektivëve vendin e saktë se ku e kishte hedhur trupin e viktimës ajo që ngre dyshime.
Së fundi, ekziston hipoteza e mbulimit të krimit. Gjyqtari hetues shkruan: Ekziston rreziku konkret që Samson mund të ndikojë në tek provat, telefoni i vajzës nuk është gjetur ende dhe dinamika e fshehjes së trupit të Ilarias s’është e qartë gjithashtu për shkak të rolit të një personi të tretë.
Dhe gjyqtari shtoi: Gjatë marrjes në pyetje, megjithëse pranoi se kishte dërguar një sërë mesazhesh te miqtë dhe babai i Ilaria-s, Samson në mënyrë të pashpjegueshme refuzoi të përgjigjej për postimin e publikuar në profilin e Ilaria-s në Instagram më 31 mars 2025.
Përpjekja e fundit për të mashtruar: Jam mirë. Ju faleminderit të gjithëve”, shkruhej në postimin në rrjetin social të viktimës. Ndërkohë hetimet janë duke u zhvilluar./Radar.al
Kamioni përplas autobusin me 30 nxënës, raportohet për dëme të mëdha
“Treni mbërriti dhe Ilaria nuk ishte aty”, rrëfimet rrëqethëse të familjarëve së 22-vjeçares
Mesazhi i fundit i Ilaria Sulës: Unë do jap paratë dhe i zgjidhim problemet
Alket Islami vjehrri perfekt/ Urimi i Roza Latit në ditëlindjen e tij: Epic Man, ska llafe
Të shtëna me a*më zjarri/ Plagoset një grua, identifikohen dhe shpallen në kërkim autorët