ITALI-Flamur, Gëzime dhe Leon Sula, prindërit dhe vëllai i 22-vjeçares shqiptare, Ilaria Sula, studebtja e cila u vra me thikë nga ish-i dashuri i saj filipinez, Mark Samson, kanë folur për mediat italiane mbi tragjedinë që ju ka ndodhur.
“Ai duhet të kalbet në burg përjetë”, kanë thënë prindërit e 22-vjeçares së ndjerë. “Atë që ai i bëri asaj, nuk ua bëjnë kafshëve. Vajza jonë nuk ishte objekt dhe ai e hodhi si të ishte një e tillë. Nuk ishte një triko, nuk ishte një palë këpucë, ishte njeri. Jeta jonë, zemra jonë, engjëlli ynë. Ajo kishte aq shumë ëndrra, nuk u ndal kurrë. Ajo studionte për Statistikat Financiare, do diplomoje në tetor.”-deklaroi i ati i Ilarias.
Nëna e saj, Gëzimja, ka treguar se e bija i kishte lajmëruar se do vinte ti takonte, por kur i vëllai kishte shkuar ta priste në stacionin e trenit, ajo nuk kishte ardhur.
“E prisnim atë fundjavë. Vëllai i saj shkoi ta merrte në stacion, treni mbërriti dhe u largua përsëri dhe Ilaria nuk ishte aty. Ne u përpoqëm ta telefononim, por telefoni i saj ishte i fikur. Aty kuptuam se diçka kishte ndodhur”, tha ajo.
Por më tej prindërit e së resë treguan mesazhin e fundit zanor me të bijën. Ajo i ka kontaktuar për t’u thënë se do t’u japë para për të zgjdhur një problem që ata kishin në familje.
“Shikoni pak nëse jeni dakord! Pastaj unë do jap paratë dhe i zgjidhim problemet. Ok, me thuaj sërish”, dëgjohet të thotë Ilaria në audiomesazhin dërguar prindërve.
Ilaria Sula u zhduk më 25 Mars të 2025. Teksa nga kjo datë duheshin pak ditë për festën e Bajramit, familja Sula e priste vajzën 22-vjeçare të kthehej nga Roma ku studionte për Statistikë në “La Sapienza”, në Terni për të festuar FITER Bajramin. Kjo nuk ndodhi. Mbrëmjen e së martës së 25 Marsit Ilaria doli nga apartamenti në Romë ku jetonte me shoqe për të ndarë qeranë dhe u largua pa marrë asgjë me vete, gjë që tregonte një sjellje normale të saj. Orët kaluan dhe ajo nuk u kthye në shtëpi, shoqeve nuk iu ktheu më mesazhet gjithashtu as familjarëve. Të shqetësuar për fatin e së bijës e ëma dhe i ati i Ilarias denoncojnë zhdukjen e saj. Pista kryesore e hetimit ishte Mark Samson. 23-vjeçari filipinas, ish-i dashur i studentes shqiptare. Më 2 Prill ai ka pranuar krimin dhe ka dërguar policinë 40km larg Romës, në Poli, pikërisht në vendin ku nga një shkëmb, zonë pyjore, hodhi valixhen brenda së cilës gjendej trupi i pajetë i Ilaria Sulës. Ai në dëshminë e tij shprehet se është penduar për gjithçka ka bërë ndërsa zbulohet se krimin e ka kryer në banesën e tij. Hetimet kanë zbuluar se ai është ndihmuar për krimin nga nëna dhe miqtë e tij./Radar.al
Alket Islami vjehrri perfekt/ Urimi i Roza Latit në ditëlindjen e tij: Epic Man, ska llafe
Të shtëna me a*më zjarri/ Plagoset një grua, identifikohen dhe shpallen në kërkim autorët