GREQI– Kisha Katolike në Greqi është përfshirë në një skandal të rëndë. Mediat vendase kanë shkruar se autoritetet kanë nisur një hetim, pasi raportohet se 2 priftërinj të lartë në hierarkinë e Kishës kanë përvetësuar paratë e këtij institucioni, duke i investuar ato në disa lokale nate.
Flitet për një shumë prej 3 milionë euro, të cilat u zhdukën nga arka e Kishës Katolike dhe u investuan në lokale nate.
Presidenti i Autoritetit Kundër Pastrimit të Parave ka proceduar me ngrirjen e llogarive bankare dhe pasurive të pesë pronarëve të klubeve të natës, pasi më parë ka përcjellë gjetjet e tij në organin kompetent të akuzës.
Bëhet me dije se historia e ka zanafillën tetë vite më parë, kur u zbuluan shuma të mëdha parash që dilnin nga llogari të caktuara nga dy priftërinjtë dhe përfundonin në llogaritë e pronarëve të disa klubeve të natës dhe shfaqeshin si investime në ato biznese.
Institucionet ligjzbatuese në Greqi u vunë në lëvizjes pas alarmit që ngriti banka për lëvizje të shumave të mëdha.
Autoriteti Kundër Pastrimit të Parave konstatoi se shuma prej 3 milionë eurosh ishte përvetësuar nga fondet e Kishës Katolike dhe të gjitha hetimet i çuan tek dy priftërinjtë dhe disa biznesmenëve të lokaleve të natës./protothema/Radar.al