Një ngjarje e rëndë është regjistruar në fshatin Marjan, Maliq ku një mësues ka ndërruar jetë pas një infarkti të dyshuar menjëherë pas përfundimit të orarit mësimor.
Sipas informacioneve paraprake, mësuesi, i identifikuar me inicialet A.B. dhe rreth moshës 55-vjeçare, ishte duke u kthyer drejt automjetit të tij pasi kishte përfunduar mësimin në shkollën e zonës.
Dyshohet se ai ka pësuar infarkt dhe është gjetur pa shenja jete në rrugë.
Mësuesi punonte në shkollën e fshatit Marjan, një zonë e thellë e Bashkisë Maliq, ndërsa trupi i tij është transportuar drejt morgut të Spitalit të Korçës për ekspertizë mjeko-ligjore.
Policia e Shtetit po kryen veprimet procedurale për sqarimin e plotë të rrethanave të ngjarjes.