Kufizimi i rrezes së veprimit për armëve që Gjermania i ofron Ukrainës është diskutuar gjatë. Tani Kancelari Merz e heq këtë kufizim. Kremlini reagoi menjëherë.
Në kohën kur përpjekjet për arritjen e paqes po duken të pasuksesshme dhe sulmet ruse ndaj Ukrainës vazhdojnë, Kancelari gjerman, Friedrich Merz (CDU) deklaroi të hënën (26.05.), se nuk do të ketë më kufizime të rrezes së veprimit për armët që dërgohen nga Gjermania në Ukrainë. “Nuk ka më kufizime në rrezen e veprimit për armët me të cilat furnizohet Ukraina, as nga britanikët, as nga francezët, as nga ne, as nga amerikanët”, tha Merz në Europaforum të WDR.
Rusia sulmon pa mëshirë objektiva civile dhe bombardon qytete, tha Merz. Ukraina nuk po e bën këtë dhe kjo duhet të mbetet kështu. “Por një vend që përballet me një agresor vetëm brenda territorit të vet nuk po mbrohet dot në mënyrë të mjaftueshme.”
Asnjë fjalë për raketat Taurus
Në fillim të luftës pas agresionit rus, Perëndimi nuk e furnizoi Ukrainën me armë me rreze të gjatë veprimi, me qëllim parandalimin e një përshkallëzimi të konfliktit. Ndërkohë, Britania e Madhe dhe Franca i kanë furnizuar Kievit raketat Storm Shadow/Scalp. Në Gjermani, debati u përqendrua kryesisht rreth raketave Taurus me një rreze veprimi prej 500 kilometrash. Në Forumin Evropian, Merz nuk e përmendi në mënyrë të qartë llojin e armës, por qeveria e re federale e ka bërë të qartë ndërkohë, se për arsye strategjike nuk do të komentojë më në detaje dërgesat e armëve në Ukrainë. Sipas informacioneve të deritanishme nuk janë dërguar raketat Taurus.
Deklaratat e Merz-it hasën në reagime të përziera në politikën gjermane. Deputetja e Partisë së Gjelbër, Agnieska Brugger, e mirëpriti atë në portalin gjerman RND si “logjike dhe të vonuar prej kohësh”. Ajo kërkoi që Ukrainës t’i jepen tani edhe raketat Taurus të kërkuara nga Kievi. Kurse kryetari i grupit parlamentar të Partisë së Majtë, Sören Pellmann e dënoi luftën agresore të Rusisë, por ngriti shqetësimin, se “dorëzimi i armëve gjithnjë e më të rënda nuk i ka dhënë fund luftës”. Fakti që tani nuk ka më kufizime për rrezen e veprimit për armët që dërgohen në Ukrainë mund të “çojë në përshkallëzim të mëtejshëm”.
Reagon Kremlini
Rusia i dënoi ashpër deklaratat e kancelarit Merz. Kremlini tha se dërgimi i armëve me rreze të gjatë veprimi do të ishte një hap i rrezikshëm. Zëdhënësi i Kremlinit, Dmitry Peskov, tha se dërgimi i armëve me rreze të gjatë veprimi në Ukrainë “bie ndesh me përpjekjet e Moskës për të gjetur një zgjidhje politike”. Nga ana tjetër vetëm të hënën në mbrëmje (26.05.) u zhvilluan sulmet më të mëdha me dronë nga Rusia kundër Ukrainës që nga fillimi i luftës. Pavarësisht përpjekjeve ndërkombëtare, nuk ka shenja nga pala ruse se do të braktisë kërkesat maksimale dhe do të kërkojë një kompromis.
Deklaratat e Merz-it hasën në reagime të përziera në politikën gjermane. Deputetja e Partisë së Gjelbër, Agnieska Brugger, e mirëpriti atë në portalin gjerman RND si “logjike dhe të vonuar prej kohësh”. Ajo kërkoi që Ukrainës t’i jepen tani edhe raketat Taurus të kërkuara nga Kievi. Kurse kryetari i grupit parlamentar të Partisë së Majtë, Sören Pellmann e dënoi luftën agresore të Rusisë, por ngriti shqetësimin, se “dorëzimi i armëve gjithnjë e më të rënda nuk i ka dhënë fund luftës”. Fakti që tani nuk ka më kufizime për rrezen e veprimit për armët që dërgohen në Ukrainë mund të “çojë në përshkallëzim të mëtejshëm”.
Reagon Kremlini
Rusia i dënoi ashpër deklaratat e kancelarit Merz. Kremlini tha se dërgimi i armëve me rreze të gjatë veprimi do të ishte një hap i rrezikshëm. Zëdhënësi i Kremlinit, Dmitry Peskov, tha se dërgimi i armëve me rreze të gjatë veprimi në Ukrainë “bie ndesh me përpjekjet e Moskës për të gjetur një zgjidhje politike”. Nga ana tjetër vetëm të hënën në mbrëmje (26.05.) u zhvilluan sulmet më të mëdha me dronë nga Rusia kundër Ukrainës që nga fillimi i luftës. Pavarësisht përpjekjeve ndërkombëtare, nuk ka shenja nga pala ruse se do të braktisë kërkesat maksimale dhe do të kërkojë një kompromis./DW
Kryemadhi paraqitet në GJKKO/ Batuta me gazetarët: Gjithë dynjaja shkon në gjyq civil, unë vij këtu