Një ngjarje e rëndë ka tronditur sot fshatin Dvoran të Korçës, ku një 27-vjeçar, A. Kodra, është plagosur me thikë dhe është dërguar me urgjencë drejt Spitalit të Traumës në Tiranë.
Sipas mjekëve, ai ka marrë plagë të rënda pranë zemrës dhe poshtë shpatullës, ndërsa po i nënshtrohet ekzaminimeve të specializuara për të përcaktuar nëse organet vitale janë prekur.
Autori i dyshuar, Aleks Qiqi, pasi u përplas verbalisht me viktimën në një tavolinë ku ndodheshin edhe persona të tjerë, është larguar në banesë, ka marrë një thikë dhe është kthyer për ta goditur.
Pas sulmit, të pranishmit kanë ndërhyrë duke e neutralizuar dhe goditur autorin, i cili ka pësuar dëmtime, por jashtë rrezikut për jetën. Policia po heton rrethanat dhe motivet e këtij akti të dhunshëm.