Policia e Korçës ka arrestuar autorin e dyshuar të plagosjes së 27-vjeçarit A. Kodra, ngjarje që ndodhi pasditen e sotme në fshatin Dvoran. Autori, i cili gjithashtu ka marrë lëndime gjatë incidentit, është nxjerrë nga banesa dhe po transportohet drejt spitalit të Korçës për trajtim mjekësor.
Ndërkohë, viktima 27-vjeçar, i cili ishte plagosur më parë me thikë pas një konflikti të çastit, ndodhet në sallën e reanimacionit në gjendje stabël.
Policia ka sekuestruar mjetin përdorur për plagosjen dhe vijon hetimet për të zbardhur motivet dhe rrethanat e ngjarjes.