Fituesja e “Big Brother VIP Albania 5”, Selin Bollati, ndodhet aktualisht në Kosovë, duke vizituar vendlindjen e partnerit të saj, DJ Gimbo, në Istog.
Ish-banori i reality show-t ka ndarë në rrjetet sociale një moment të veçantë familjar, ku shfaqet krah nënës së tij dhe Selinës. Në foton e publikuar në Instagram, ai ka zgjedhur një përshkrim të thjeshtë, por domethënës: “Familja”.
Vizita në Istog duket se shënon një hap të rëndësishëm në marrëdhënien e çiftit, duke e bërë publike afrimin edhe në rrethin familjar.