VLORË– Policia e Vlorës ka reaguar lidhur me një rast të denoncuar në “JOQ Albania”, ku një punonjës i policisë shihet duke qarkulluar me një motomjet pa targa dhe pa vendosur kaskën mbrojtëse.
NJOFTIMI I POLICISË:
Reagim i Drejtorisë Vendore të Policisë Vlorë
Në lidhje me një video të publikuar në portalin online “JOQ Albania”, ku shfaqet një punonjës policie duke qarkulluar me një motomjet pa targa dhe pa vendosur kaskën mbrojtëse, sqarojmë opinionin publik se, menjëherë pas publikimit të pamjeve, nga Sektori i Qarkullimit Rrugor në DVP Vlorë u kryen verifikimet përkatëse dhe u mor masa administrative ndaj punonjësit në fjalë.
Ndaj drejtuesit të motomjetit, me detyrë punonjës policie pranë Komisariatit të Policisë Vlorë, u vendos masë administrative në vlerën 30 000 lekë, për shkelje të dispozitave të Kodit Rrugor, që lidhen me mospërdorimin e kaskës mbrojtëse, qarkullimin me mjet pa targë metalike dhe mungesën e dokumentacionit të mjetit.
Drejtoria Vendore e Policisë Vlorë siguron opinionin publik se shkelje të tilla trajtohen me seriozitet dhe në përputhje të plotë me kuadrin ligjor, pa asnjë lloj përjashtimi apo tolerance ❌.
Falënderojmë median dhe qytetarët për bashkëpunimin dhe i ftojmë të vijojnë të denoncojnë çdo rast abuzimi apo shkeljeje që cenon rendin dhe sigurinë, përmes numrit pa pagesë 112 ./Radar.al
“Pa targa dhe pa kaskën mbrojtëse”/ E pëson polici në Vlorë që theu rregullat e qarkullimit
Të shtënat me a*më në Tiranë, 8 të arrestuar mes tyre edhe 40-vjeçari i lënduar
9-vjeçari me dy krahët e prera/ Kjo është fotoja e vitit, e zgjedhur nga World Press Photo!