HAS– Pas tragjedisë së dyfishtë që ndodhi orët e para të mqngjesit të kësaj të enjteje ku nënë e bir humbën jetën si pasojë e zjarrit që ra në banesën e tyre, familja Lushi ka hapur dyert e mortit për 57-vjeçarin Rexh Lushi dhe nënën e tij, Fatime Lushi.
Familjarët e viktimave kanë thënë se zjarri mund të jetë shkaktuar si pasojë e energjisë elekrike. Ndrër të tjera ata shtuan se Rexha ishte duke ndihmuar nënën për ta nxjerrë nga shtëpia.
“S’kishte asnjë lloj mundësie për t’i ndihmuar, ishin të gjithë policia, zjarrfikësit dhe i gjithë katundi. Ka hyrë për të nxjerrë nënën dhe ka ngelur brenda”.
Banori u shpreh se Rexha kishte njoftuar edhe policinë, përpara se të futej për të shpëtuar nënën e tij. Nga zjarri ka shpëtuar bashkëshortja e Rexhës. 57-vjeçari i ndjerë i kishte fëmijët dhe pjesën tjetër të familjes jashtë vendit.