Atentati i ditës së sotme në Shkodër, tronditi mbarë opinionin publik në vendin tonë.
Për pasojë të atentatit humbi jetën Hamza Lici dhe u plagos rëndë Arlind Bushati.
Automjeti me të cilin udhëtonin dy shtetasit e lartpërmendur, dyshohet se humbi kontrollin dhe për pasojë përplasi një motoçikletë që udhëtonte shtetasi B.B dhe bashkëshortja e tij shtetasja F.B, ku siç ju bëmë me dije, fatkeqësisht humbi jetën Flutura Basha.
I ftuar në emisionin “Breaking” në Top News, eksperti për çështjet e sigurisë, Fatjon Softa foli rreth ngjarjes duke dhënë më shumë detaje mbi rastin në fjalë.
Softa përgjatë fjalës së tij theksoi se kjo është ngjarje mes dy familjeve të cilat mund të kenë patur aktivitete kriminale duke përjashtuar motivin politik.
“Është goditur biznesi familjar, kemi kërcënimin e djalit personit të plagosur dhe e treta ekzekutimi i tij, urojme që të mbijetojë por mesa duket gjendja është e rëndë. Brenda territorit forca e policisë s’ishte në nivel të duhur, sepse ka patur kërcënim për t’a eleminuar dhe duhet t’fillonte hetimi. Duhet të jetë dhe policia të merret me ngjarjen. Nga kjo ngjarje e përjashtoj motivin politik, mund të jetë interes tjetër. Ngjarja ndaj këtij personi nuk është aktivitet politik sepse babai i të plagosurit nuk është më në politikë. Ngjarja mund të ketë karakter criminal ose aktivitete të dyshuar ku preken interesa. Familja Liçi dhe Bushati, objektiv ishte Bushati. Mendoj sepse janë ngjarje që shkojnë te i njejti person, pra goditja e biznesit fakti i kërcënimit të personit më pas goditja dhe mjeti i përdorur i kujt ishte? Mjeti ishte me targa kroate kush e kishte këtë mjet? A ka patur informacion policia? Lidhur me ktë s’duhet ta lidhim me vllain nëse e lidhim mund të jetë pistë hakmarrjeje me grupe të përplasura në aktivitete kriminale. Është e rëndësishme provat e para. Nëse ka vështirësi kjo polici mund të kërkojë ndihmë policia aty ku krimi është më dominant, s’është vetëm policia e Shkodrës është dhe e Elbasanit etj është e gjithë Shqipëria. Duhen sekuestruar serverat dhe kamerat dhe të bizneseve të tjera para ngjarjes nuk e di a do e bëjnë por duhet ta bëjnë shpejt se mund të fshihen kamerat. Personat që kanë qenë në venngjarje tregojnë vetëm dinamikën jo më shumë. Mund të ketë dhe punonjës policie të përfhirë se kto grupe kanë informacione për shërbimin e policisë. Duhet të shohim dosjen nëse ka patur denoncim kush e ka patur” tha Softa.
LEXO EDHE:
VIDEO/ Shikoni pamjet nga vendi ku u vranë dy persona sot në Shkodër
Çfarë u gjet brenda “C-Classit” me të cilin udhëtonin Lici e Bushati? Policia jep detaje të reja