Më shumë se një orë nga masakra që tronditi Shkodrën këtë të mërkurë, 30 tetor, Policia reagoi zyrtarisht me njoftim për mediat duke zbardhur dinamikën e ngjarjes.
Janë konfirmuar zyrtarisht se dy janë viktimat e ngjarjës. Policia tha se një nga viktimat është Hamza Lici, që ndodhej duke udhëtuar në një automjet Benz, ndërsa personi tjetër që ndodhej në makinë me të është Arlind Bushati, që është rëndë në spital.
Ndërkohë, nga humbja e kontrollit mbi mjetin pas atentatit, Benz-i ka përplasur një motomjet në të cilin po udhëtonin një çift bashkëshortësh.
Nga përplasja, gruaja që ndodhej në motor ka humbur jetën në vend, ndërsa i plagosur rëndë në spital ndodhet bashkëshorti i saj.
Shkodër/Informacion paraprak
Rreth orës 15:50, në aksin rrugor “Shkodër-Koplik”, në Dobraç, është qëlluar me armë zjarri në drejtim të një automjeti tip Benz, në lëvizje, me të cilin qarkullonin shtetasit H. L. dhe A. B.
VIDEO/ Shikoni pamjet nga vendi ku u vranë dy persona sot në Shkodër
Si pasojë e të shtënave ka humbur jetën shtetasi H. L., dhe është plagosur rëndë shtetasi A. B.
Automjeti që udhëtonin shtetasit H.L dhe A.B, dyshohet ka humbur kontrollin dhe për pasojë ka përplasur një motoçikletë që udhëtonte shtetasi B.B dhe bashkëshortja e tij shtetasja F.B, ku si pasojë e përplasjes së automjetit me motomjetin ka ndërruar jetë shtetasja F.B dhe ndodhet në gjendje të rëndë në spital shtetasi B.B.
Në vendngjarje kanë shkuar shërbime të shumta të Policisë dhe Forca Kombëtare e Sigurisë Njësia Shkodër, si dhe janë nisur në ndihmë 2 grupe të Repartit Special “RENEA”.
Është ngritur një grup i posaçëm hetimor dhe në drejtimin e Prokurorisë vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të rastit, identifikimin dhe kapjen e autorëve.
Të shtënat trondisin Shkodrën, viktimat po lëviznin me makinë. Autorët dyshohen se…
Po në ndihmë të grupit hetimor është nisur dhe Drejtori i Departamentit të Policisë Kriminale me një grup specialistësh të Drejtorisë për Hetimin e Krimeve të Rënda
Ndërkohë, shërbimet e Policisë kanë rrethuar zonën dhe vijojnë kontrollet në terren dhe në ambiente të ndryshme, si dhe kanë ngritur pika kontrolli, për të bërë të mundur kapjen e autorëve.