Një masakër ka ndodhur këtë të mërkurë, 30 tetor në Shkodër. Nga raportimet e para u mësua për një të plagosur, më pas bilanci u rëndua dhe nga vendngjarja mësohet se kanë humbur jetën dy persona dhe dy të tjerë janë plagosur.
Fatkeqësisht një nga viktimat është një kalimtare e rastit. Gruaja e pafat, e cila rastisi në momentin e atentatit, ishte duke lëvizur edhe me bashkëshortin e saj me motor.
Bashkëshorti i saj ndodhet i plagosur në spitalin e Shkodrës.
Ata po udhëtonin me motor kur plumbat e kallashnikovit kanë kapur dhe çiftin e bashkëshortëve.
Ndërsa mësohet se i plagosuri rëndë është Arlind Bushati.
Dyshohet se një nga viktimat është Hamza Lici. Hamzai është vëllai i Ibrahim Licit. Bilanci i viktimave mund të rritet pasi dhe personi që ka mbetur i plagosur raportohet të jetë në gjendje të rëndë.
Ngjarja ka ndodhur tek zona e njohur si ish SMT në lagjen Dobraç.
Gjithashtu, burimet nga vendi ku ka ndodhur krimi i rëndë raportojnë se dyshohet të kenë qenë dy autorë, të cilët kanë qëlluar me kallashnikov.
Ndërkaq, mësohet gjithashtu se viktimat, në momentin e atentatit, kanë qenë duke lëvizur me një automjet tip “S class”.
Ngjarja ka ndodhur tek zona e njohur si ish SMT në lagjen Dobraç.
Bilanci i viktimave mund të rritet pasi dhe personi që ka mbetur i plagosur raportohet të jetë në gjendje të rëndë.
Deri më tani nuk dihen motivet e kësaj ngjarje. Drejt skenës së krimit, në zonën e njohur si ish-SMT, ndodhet policia, e cila ka nisur menjëherë hetimet. Dinamika e kësaj masakre është ende e paqartë.