Kërkoi daljen nga 41 biss/ Apeli i GJKKO lë në fuqi vendimin për të dënuarin me burgim të përjetshëm (EMRI)

TIRANË– Sot Apeli i GJKKO-së ka rrëzuar kërkesën e të dënuarit me burgim të përjetshëm, Anterio Kaloshi, i cili kishte kërkuar daljen nga regjimi 41 biss.

Njoftimi i gjykatës:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Nertina Kosova, sot më 17.09.2024, shpalli vendimin mbi çështjen penale nr. 164 akti, datë 18.07.2024 regjistrimi, regjistruar mbi ankimin e të dënuarit/ankues A.K., me objekt: “Ankim ndaj vendimit nr. 237, datë 28.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar, shfuqizimin e urdhrit të Ministrit të Drejtësisë “Për vendosjen në regjimin e posaçëm të ushtrimit të të drejtave në burgun e sigurisë së lartë të të burgosurit A.K.” dhe vendosi:

– Miratimin e vendimit nr. 237, datë 28.06.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

Anterio Kaloshi është arrestuar 13 Gushtin e vitit 2020 në Qesarakë, në kuadër të një operacioni që arrestoi edhe dy persona të tjerë për sulmin në Tushemisht, Meard Berberin dhe Ervin Kalanë. Ai ishte në makinë me Berberin, një prej organizatorëve të dy atentateve ndaj djalit të Jetmir Muçollarit.