ITALI– Nëna a e Mark Samson, 23-vjeçari që vrau Ilaria Sulën ka dhënë dëshminë e saj në polici, ku ka pranuar se ka ndihmuar të birin të fshehë krimin.
“Dëgjova disa zhurma dhe hyra në dhomën e Markut”, ka deklaruar Nors Manlapaz, nëna e të riut filipinez.
Në fillim ajo ka deklaruar se nuk kishte dëgjuar asgjë dhe se ishte gjumë, por më pas ka pranuar se ka ndihmuar të birin në fshehjen e krimin që ndodhi në brenda banesës së tyre në Via Homs.
“Unë e ndihmova djalin tim të pastronte njollat e gjakut në shtëpi.”- pranoi Nors Manlapaz gjatë marrjes në pyetje për 4 orë.
Ishte 23-vjeçari që përfshiu të ëmën në krim në momentin e arrestimit nga policia italiane.
“Ishte në shtëpi me mua dhe më ndihmoi të laja gjithçka”, deklaroi Mark Samson, i cili më pas e ndryshoi dëshminë duke u shprehur se e kishte bërë gjithçka i vetëm.
Por nëna e 23-vjeçarit u implikua për shkak të qelizave telefonike dhe njollave të gjakut të gjetura në pjesë të tjera të shtëpisë. Hetuesit nuk përjashtojnë që Nors Manlapaz të ketë ndihmuar djalin e saj edhe të fshehë trupin e Ilarias, duke e mbështjellë fillimisht me një qese të zezë dhe më pas duke e futur në valixhe duke e hedhur në një shkëmb rreth 40 kilometra larg Romës.
Nors Manlapaz ka pranuar se nuk i pëlqente 22-vjeçarja shqiptare sepse marrëdhënia e Ilarias me djalin e saj nuk korrespondonte me traditat filipinase.
Deri më tani jashtë hetimeve të policisë për vrasjen e Ilaria Sulës mbetet babai i autorit, Rik Samson, pasi nuk ka qenë në banesë gjatë kohës kur ka ndodhur krimi.
Pavarësisht kësaj hetimet vazhdojnë për të sqaruar më mirë orët në të cilat ndodhi e gjithë skena e krimit, rrethanat e së cilës mbeten mister. Qelizat e telefonit të viktimës, të cilin vrasësi e mbajti për një javë, nuk përputhen me shpjegimin e tij.
Dikush mund të ketë ndihmuar vrasësin në transportimin e trupit. Ish-i dashuri i Ilarias pas krimit kishte tentuar t’i merrte kompjuterin nga banesa ku ajo jetonte me shoqet e dhomës./Radar.al
Brenda anijes më të bukur në botë, ‘Amerigo Vespucci’ vjen në Durrës
Nxiste të miturit të shisnin k*kainë, arrestohet 34-vjeçari në Korçë