Emisionit Ferma VIP po i afrohet finalja, por tensionet mes konkurrentëve vijojnë të rriten, duke kulmuar në një debat të fortë mes poetes Mimoza Ahmeti dhe balerinit Ilir Shaqiri.
Përplasja mes tyre ka degraduar në fyerje të ndërsjella, ku janë përfshirë edhe referenca personale dhe familjare, duke e ndezur edhe më shumë situatën në shtëpi.
Debati ka nisur pas një diskutimi të tensionuar, ku Ahmeti ka kritikuar mënyrën e të shprehurit të Shaqirit dhe përvojën e tij në Itali, ndërsa ky i fundit i është përgjigjur me tone të ashpra.
“Moza: Injorant italie je ti. Ke mësuar ato gjërat e italianëve kujton se çfarë je duke bërë.”
“Iliri: Po ti çfarë gjërash ke mësuar ti? Nga i ke mësuar? Nga shkijat i ke mësuar?”
Situata ka eskaluar më tej kur Ahmeti ka bërë një koment për familjen e balerinit, duke i thënë: “Shiko atë gruan tënde dhe fëmijën tënd që nuk di asnjë fjalë shqip.”
Ndërsa Shaqiri është kundërpërgjigjur me tone edhe më të ashpra, duke përmendur familjarët e saj në debat.
Përplasja ka shkaktuar reagime edhe mes banorëve të tjerë të formatit, duke rritur edhe më shumë tensionin në këtë fazë finale të spektaklit.