TIRANË– Ish-ministrja e arsimit, deputetja socialiste, njëherësh nënkryetare e Komisionit për Edukimin dhe Mjetet e Informimit, Evis Kushi ka reaguar ditën e sotme sa i takon procesit të përzgjedhjes së kandidatëve për drejtor të përgjithshëm të Radio Televizionit Shqiptar.
Kushi në një postim në rrjetet sociale shkruan: Nuk ndodh shpesh të jem dakord me kolegen Ina Zhupa, por pasi jam njohur me zhvillimet në RTSH nuk i heq dot asnjë presje reagimit të saj.
POSTIMI I PLOTË I EVIS KUSHIT:
“I bëj thirrje Këshillit Drejtues të kthejë menjëherë situatën në normalitet dhe të lejojë garën e hapur, transparente e meritokratike. E kundërta do të ishte vetëasgjësim i Këshillit dhe Parlamenti do të detyrohej të ndërhynte në mbrojtje të lirisë dhe të drejtës së garës, duke marrë masa drastike që ne nuk i dëshirojmë.
Kujtojmë se Këshilli Drejtues i Radio Televizionit Shqiptar po vijon procesin e përzgjedhjes së kandidatëve për drejtor të përgjithshëm të RTSH. Nga mbledhja e zhvilluar një ditë më parë, anëtarët e Këshillit, në zbatim të ligjit për mediet audiovizive dhe të statutit të Radio Televizionit Shqiptar, me votim të fshehtë votuan për kandidatët që dorëzuan dokumentacionin e tyre brenda afatit të përcaktuar.
Lidhur me këtë proces, ka reaguar kryetarja e Komisionit Parlamentar të Medias, deputetja demokrate Ina Zhupa, e cila u shpreh se “çmenduria e Këshillit Drejtues së RTSH, skualifikon nga gara kandidatët që plotësojnë kriteret”./Radar.al
Gara për kreun e RTSH, skualifikohet Eni Vasili. Aurora Polo drejt zgjedhjes
Gara për kreun e RTSH/ Plas keq Ina Zhupa: Kanë shpikur rregulla që nuk ekzistojnë