Drejtuesi i Koalicionit Euroatlantik, Lulzim Basha, ditën e sotme nëpërmjet një videoje të postuar në rrjet ka replikuar sërish me kryeministrin Rama.
“Ramës nuk i ndahet zemra nga bufi” u shpreh Basha, duke iu referuar Sali Berishës.
Ndërsa më tej Basha komenton rikthimin e amerikanëve për të cilët vijojnë hetimet nga SPAK.
“O Rame, si paske thon sot, e kam zemër Lulin. Sa zemër m’ke ti mo Rame e mori vesh e gjithë bota kur korruptove McGonigal mem bo gropën, por re vet mrena. S’të ndahet zemra nga bufi ty o Rame, se vetëm ai të ma në pushtet. Ai t’i dha votat për të liru të korruptumit, me atë shpreson të godasësh SPAK-un. Je gati të bësh një buf sa Mali i Tiranës ti me Rame, por e ke kot. Si the? ‘I tërhoqi Amerika ushtarët nga SPAK-u’, aty e ke Amerikën Rame, vazhdojnë hetimet. Kujdes zemrat tek veni Rame, 7×7 = 313, Rame”.