Ditën e sotme kreu i qeverisë Edi Rama teksa vijon takimin në Gjirokastër ka vijuar me prezantimin e kandidatëve për deputet në zgjedhjet e 11 majit.
Kreu i qeverisë kërkoi që më 11 maj asgjë të mos kthehet mbrapa, por Shqipëria të shkojë vetëm përpara.
Tema e diskutimit mes Ramës dhe të pranishmëve ishin negociatat për integrimin e vendit në BE. Sipas Ramës shqiptarët e kanë në dorë që më 11 maj të bëjnë historinë.
Ndërsa më tej ai vijoi me “thumbat” ndaj opozitës. Rama tha se vetëm PS mund ta çojë para këtë proces.
Rama: Kush do flasë me ata (BE)? Bufi i kënetës? Mund ta bënte Luli, por Luli na krijon problem se e zë gjumi. Tani e ngjalla, i bie fyellit në një vrimë, duhet orientuar. Shkurt muhabeti këtë gjë, përtej shakave, mund ta bëjmë vetëm ne. Demokratët duhet t’i bien lapsit dhe ta bëjnë për interesin e tyre, si patriotë për interesin kombëtar, ta kapërcejnë këtë problem që kanë që s’e duan PS.