Ndonëse ndodhet në arrati, së fundmi është mësuar se ish-kryeprokurori i Përgjithshëm Adriatik Llalla ka hequr dorë nga rekursi për pafajësi në Gjykatën e Lartë.
Buriemt bëjnë e dije se në muajin nëntor, Llalla u tërhoq nga rekursi që depozitoi Gjykatën e Lartë.
Pavarësisht tërheqjes së tij, raportohet se në datën 25 mars, kolegji penal do shqyrtojë fillimisht kërkesën e Llallës për heqjen dorë nga rekursi.
Nëse Gjykata nuk do ta pranojë tërheqjen, atëherë thuhet se do të shqyrtohet kërkesa e ish-kryeprokurorit të Përgjithshëm për pafajësi.
Pavarësisht arratisë, Llala ka qenë në qendër të vëmendjes. Para afro një muaj, ai u shfaq në takimin që kryedemokrati Sali Berisha zhvilloi me emigrantët shqiptarë në Romë. Ndërsa më herët, pozoi duke bërë simbolin e shqiponjës me duar, pranë ish-deputetit Adriatik Alimadhi.
Ai ndodhet në shtetin italian, ku është raportuar dhe se ka marrë azil.