Klajdi Musabelliu ka bërë një deklaratë të fortë në BBV gjatë kohës kur Xumi dhe Egli, mbajtën një konferencë për shtyp për pjesën tjetër të banorëve të shtëpisë së “Vëllait të Madh”.
Teksa mori radhën për t’iu drejtuar Eglit, ai tha ndër rreshta simpatinë që kishte për të, ndërsa tha se Xumi i zuri radhën kur shprehu ndienjat për të, dhe Klajdit nuk i mbeti gjë tjetër veçse të hapte rrugë.
“Fati yt i keq e i cdo vajze këtu brenda është fjala bukuri, të kesh bukuri është bekim dhe mallkim.
Për njerëz si Xumi dhe unë se unë gjej veten te Xumi në shumë gjëra s’është e thjeshtë të mos dashurohesh me ty, me portretin tënd, sytë e ty dhe zemrën tënde. Thënë kjo ai i shkreti s’ka faj që është dashuruar me ty, se mund të më kishte ndodhur dhe mua.
Çdokush nga ne këtu i mjaftonte një fije fare e hollë për t’u dashuruar me ty, për të mos thënë që do isha unë i radhës. Fati i Xumit që ishte i pari që e shprehu këtë gjënë dhe unë hapa krahun për atë ndjesinë që ti më dhe”, tha ai.
Kujtojmë që Xumi dhe Egli janë në televotim kokë më kokë pas vendimit të marrë nga kjo e fundit si favor i dhënë nga hapja e “Kutisë së Pandorës”. Xumi ka shprehur që në ditët e para pëlqimin e madh që ka për këngëtaren ndërsa kjo e fundit ia bëri të qartë që nuk dëshironte të kishte diçka më shumë me të.
Përgatiti Radar.al