ITALI– Sa i takon situatës së krijuar me emigrantët që u rikthyen në Bari pas 3 ditësh qëndrimi në qendrën pritëse në Gjadër, ka reaguar deputeti italian Francesco Bonifazi.
Ai ka eklaruar se të hënën partia e tij do të dërgojë në Gjykatën e Audituesve kryeministren Georgia Meloni.
Qëllimi pas këtij veprimi ligjor është bërë pikërisht kampi i emigrantëve në Shqipëri. Ndër të tjera Bonifazi shkruan se paratë e përdorura për ndërtimin e kampit, mund të përdoreshin për familjet italiane.
“Të hënën e ardhshme ne do të paraqesim një ankesë formale në Gjykatën e Audituesve duke denoncuar Giorgia Melonin si përgjegjëse për shpërdorimin e parave publike të lidhura me skandalin e qendrës së emigrantëve në Shqipëri. Ajo që po shohim është një skandal për familjet italiane: paratë duhet të shkonin për karabinierët, shëndetësinë, të rinjtë.”-deklaron ai./tgla7/Radar.al