Klea Huta kohët e fundit ka qenë në qendër të vëmendjes për shkak të ditëve të saj “më të këqija”.
Kujtojmë se pak javë më parë Huta postoi për udhëtimin në Ibiza dhe nëpërmjet disa Instastoryve tregonte se humbi valixhet dhe pësoi një lëndim gjatë zhytjes, vetëm pak kohë pasi kishte kaluar një infeksion.
Por problemet shëndetësore vijojnë të mbeten “pjesë e jetës” për moderatoren.
Mbrëmjen e kaluar, ajo bëri një postim në ku shfaqet me maskën e aerosolit dhe tregon gjithë kalvarin e shqetësimeve të këtij tremujori të vështirë.
‘Më duhet ta pranoj që këto 3 muajt e fundit nuk kanë qenë në favorin tim. Jo Mërkuri në retrogradë, por të gjithë planetët u përmbysën. Nuk gjeta rehat sikur 1 javë të plotë. Fluturime të vonuara, valixhe të humbura, mes i thyer, gjunjë të vrarë, trup e shpirt të sakatuar, streptokok dhe tani qershia mbi tortë: Covid. Kam 2 javë e izoluar në shtëpi. Të premten dola e vajta në teatër, dje prapë në shtëpi dhe sot një xhiro në breg të detit. Dhimbja e kokës, e tmerrshme. Hundët e pamundur të mbushesh me frymë. Provova avull me gjethe dafine, thitha raki me hundë, ujë fiziologjik me shiringë dhe prapë asgjë. E fundit më mbeti aerosoli. Të shohim si do të shkojë’ shkroi Klea.
