Pas lajmit për arrestimin e Noizyt në Zvicër gjatë një performance në klub nate, reagimet nuk kanë munguar nga emra të njohur të skenës. Ndër të parët që reagoi ishte Stresi, i cili aludoi se pas ngjarjes qëndronte tiktokeri Medi Iseni, me të cilin ka pasur përplasje më parë.
Në përgjigje të këtij akuzimi, Medi Iseni ka reaguar me tone të forta në rrjetet sociale, duke e quajtur Stresin “të pabesë” dhe duke e akuzuar për organizim të një sulmi ndaj tij verën e kaluar.
“Prita ka vra më burra se unë”, shkruan Iseni, duke theksuar se ishte tradhtuar në një ngjarje që e përshkruan si të organizuar nga disa persona në Zvicër. Ai pretendon se prova dhe informacione që e lidhnin incidentin me disa persona janë fshirë qëllimisht nga rrjetet sociale.
“Zoti është i madh, vonon por nuk harron”, shton ai në postim, duke paralajmëruar se drejtësia do të vihet në vend.
Ndërkohë, autoritetet zvicerane janë ende në proces hetimi për incidentin që çoi në arrestimin e Noizyt, ndërsa përplasjet publike mes personazheve vazhdojnë të ndezin rrjetin.