Detaje të reja janë zbardhur nga sekuestrimi i pronave të një punonjëse në Drejtorinë e Shërbimeve Qeveritare, të cilat dyshohen se e kanë prejardhjen nga aktiviteti i paligjshëm i vëllait të saj.
Irma Hasani, e cila punonte si banakiere në institucionin e përmendur më lart, rezulton të ketë regjistruar 6 pasuri të paluajtshme, 6 automjete të markave të ndryshe dhe llogfari bankare.
Por nuk mbaron me kaq, pasuritë gjithahstu u regjisturan dhe në emër të Sofie Hasanit me 240 mijë lekë pension, Irma Hasanit, Enkeleda Hasanit dhe Oltion Hasanit (vëllai i Irmës).
Ndërkohë motrat e tij prej vitit 2011 Hasani ishte e punësuar pranë kësaj drejtorie, por nga ana tjetër në llogaritë bankare të saj janë kryer dhjetëra transaksione bankare me shuma monetare të ardhura në formë dhuratash nga vëllai, kunati dhe familjarë të tjerë.
Prokurori Ndini Tavani, gjatë ndjekjes së këtij rasti ka zbuluar se kontratat e dhurimit të parave të cilat janë deklaruar në banka, nuk janë përpiluar para një noteri.
Hetimet zbuluan se banakierja e Drejtorisë së Shërbimeve Qeveritare, Irma Hasani, brenda një periudhe 1 mujore ka përfituar në llogarinë e saj vlerën 180.000 euro cash ose nëpërmjet transfertave bankare, nga ish-kunati, tezja apo njerëz të tjerë të afërt.
Ndërkohë nga fondet e kredituara ne llogari, vlera 160 mijë Euro është transferuar nga Irma Hasani në llogarinë e noterit me qëllim blerjen e një pasurie të llojit apartament.
Ndërsa ka në pronësi edhe pesë prona të tjera të paluajtshme dhe 6 automjete të markave të ndryshme.
“Ora News” ka siguruar dosjen e plotë të prokurorisë ku rezulton se në 2 Prill 2024 ish-kunati Besmir Popoçi, i ka bërë dhuratë Irma Hasanit shumën prej 40 mijë euro.
Hetimi ka zbuluar se Popoçi është i vetëpunësuar tek biznesi i tij, që ka si aktivitet transportimin e mallrave. Ndërsa tezja e saj pensionistja Gjyle Pine, në datën 9 prill 2024 i ka bërë dhuratë Irma Hasanit shumën prej 79.940 euro.
Ndërsa një vlerë prej mbi 40 mijë euro është deklaruar cash në bankë nga vetë Irma Hasani.
Dhurimi i shumave monetare ka vijuar me Deti Fushën, i cili punon si kuzhinier tek një restorant me rrogë prej 600 mijë lekë të vjetra, por çuditërisht në datën 10 Maj 2024 i ka dhuruar Irma Hasanit shumën prej 20 mijë euro.
Prokuroria ka ngritur dyshime të forta se këto shuma financiare janë produkt i një veprimtarie kriminale në shitjen e tregtisë së drogës në Angli nga Oltion Hasani.
LEXO EDHE:
EMRI/ Sekuestrohen pronat e punonjëses së shërbimeve qeveritare, ja çfarë dyshon policia
