TIRANË– Reality Show, “FERMA VIP” do të nisë së shpejti, dhe këtë vit është përfolur shumë edhe moderatorja, që sipas lajmeve tëë publikuara do të jetë një ndër emrat më të dashur për publikun shqiptar.
Arbana Osmani do të jetë si moderatore e Ferma VIP dhe në krahë të saj si Kryeplaku i Fermës do të jetë fituesi i BBV2, Luiz Ejlli.
Sipas burimeve Reality Show, do të nisë në muajin mars. Projekti vjen me një formulë ndryshe, surpriza të forta dhe emra shumë të njohur të ekranit. Burime pranë produksionit bëjnë me dije se moderimi i reality show-t do t’i besohet Arbana Osmanit, një nga figurat më të dashura dhe më të suksesshme të televizionit shqiptar. Rikthimi i saj në një format të tillë, pas atij të Big Brother VIP Albania, pritet të sjellë edhe më shumë interes dhe pritshmëri të larta nga publiku.
Por jo vetëm moderimi do të jetë risi. Edhe regjia do të jetë tërësisht e re, nën drejtimin e Eduart Grishajt, i njohur për stilin e tij unik dhe qasjen kreative në projekte televizive dhe kinematografike. Ky kombinim pritet t’i japë “Ferma VIP” një frymë moderne dhe dinamike, larg klisheve të zakonshme të reality show-ve.
Deri më tani asgjë nuk është konfirmuar zyrtarisht, duke e lënë këtë detaj të hapur për surpriza të mëdha./Radar.al