Ditën e sotme, Papa Françesku dha frymën e fundit duke lënë pas një plagë të madhe për të gjithë besimtarët e krishterë.
Papa Françesku jetonte në Casa Santa Marta të Vatikanit që nga viti 2013, aty dhe ku dha shpirt.
Domus Sanctae Marthae ndodhet pranë Bazilikës së Shën Pjetrit dhe u përfundua së ndërtuari në 1996, gjatë papatit të Gjon Palit II.
Ndërtesa në fjalë përdorej si strehim për klerikët që shërbejnë në Selinë e Shenjtë, por edhe si vendbanim i përkohshëm për anëtarët e Kolegjit të Kardinalëve gjatë pjesëmarrjes së tyre në konklava papale për zgjedhjen e Papës së re.
Papa Françesku jetonte aty që nga zgjedhja e tij në 2013 deri në frymën e tij të fundit.
Përpara ndërtimit të Domus Sanctae Marthae, kardinalët pjesëmarrës në konklave jetonin në Pallatin Apostolik, të cilët flinin në krevata marinari në hapësira të improvizuara në të gjithë pallatin, madje edhe në korridore apo edhe në zyra.
Por situata ndryshoi me ardhjen e Papës Gjon Pali II, i cili porositi ndërtimin e Domus Sanctae Marthae.
Ndërtesa 5-katëshe përbehet nga 106 suita, 22 dhoma teke dhe një apartament.
Mirëpo Domus Sanctæ Marthae u përball me disa vështirësi gjatë ndërtimit të tij, pasi grupet italiane, përfshirë këtu politikanë italianë, protestuan kundër ndërtimit me justifikimin se do të bllokonte pamjen e bazilikës së Shën Pjetrit që gëzonin disa apartamente aty pranë.
LEXO EDHE:
Shuhet kreu i Vatikanit/ Shtëpia e Bardhë: Pusho në paqe Papa Françesku!