Më 26 korrik, Saturni nis prapavijën në Dash, duke hapur një periudhë gati pesëmujore gjatë së cilës do të rishikoni zgjedhjet, përgjegjësitë dhe angazhimet afatgjata që po formësojnë të ardhmen tuaj.
Në astrologji, Saturni lidhet me disiplinën, kufijtë, pjekurinë dhe pasojat e veprimeve tona. Prandaj, kjo perudhë mund të nxjerrë në pah çështje që nuk mund të anashkalohen apo të shtyhen më.
Çfarë jeni gati ta merrni seriozisht? Cila fushë e jetës suaj ka nevojë për më shumë durim ose përgjegjshmëri?
Çdo vit, kur Saturni fillon prapavijën, “zoti i karmës” ngadalëson ritmin dhe na jep mundësinë të rishikojmë gjithçka, nga synimet tona te mënyra se si e ushtrojmë autoritetin.
Udhëtimi i Saturnit në Dash krijon një kontrast interesant. Dashi dëshiron të veprojë instinktivisht, të pohojë pavarësinë dhe të mendojë për detajet më vonë. Saturni, nga ana tjetër, kërkon disiplinë, qëndrueshmëri dhe një plan të zbatueshëm.
Në fund të fundit, Saturni në Dash po ju mëson si ta drejtoni energjinë dhe ambiciet tuaja në mënyrë më produktive. Mund të ndiheni të frymëzuar për të nisur diçka të re, për të krijuar një emër për veten ose për të marrë kontrollin e një situate, vetëm për të kuptuar se vetëbesimi nuk mjafton.
Kur Saturni është retrograd, mësimet e tij bëhen më të brendshme. Përparimi mund të duket më i ngadaltë, sepse ju kërkohet të reflektoni mbi themelet e vendimeve tuaja, në vend që thjesht të përqendroheni te rezultatet e dukshme.
Mund të rishikoni edhe nëse një synim përfaqëson ende personin që po bëheni apo nëse vazhdoni t’i qëndroni besnik vetëm sepse heqja dorë do t’ju dukej si dështim.
Në fund, Saturni retrograd shpërblen sinqeritetin, qëndrueshmërinë dhe gatishmërinë për të ndryshuar drejtim kur është e nevojshme.
Më 10 dhjetor, kur Saturni të pozicionohet sërish drejt, qëllimi nuk do të jetë përsosmëria, por qartësia për të kuptuar nëse angazhimet tuaja të tanishme meritojnë të ndiqen deri në fund.
Ja çfarë sjell Saturni retrograd për secilën shenjë të horoskopit:
Dashi
Merreni veten seriozisht, por nëse ndiheni sikur po hasni vështirësi në rritjen tuaj personale, arsyeja mund të mos jetë ajo që mendoni. Muajt e ardhshëm mund t’ju shtyjnë të rishikoni mënyrën se si udhëhiqni dhe si i ndiqni synimet tuaja.
Saturni retrograd në shenjën tuaj mund t’ju bëjë gjithashtu të ndryshoni imazhin ose të ristrukturoni mënyrën se si e prezantoni veten. Në çdo rast, shfrytëzojeni këtë periudhë për të reflektuar mbi mënyrën se si shfaqeni përpara të tjerëve dhe përpara vetes.
Demi
Frikërat e vjetra, stresi personal dhe çështjet emocionale të pambyllura kërkojnë më shumë vëmendjen tuaj. Saturni retrograd mund të nxjerrë në sipërfaqe barrë emocionale që e keni mbajtur për një kohë të gjatë.
Mund të keni nevojë për më shumë pushim, kufij më të fortë ose distancë nga një situatë që po ju shteron. Jo çdo gjë duhet të përballet publikisht, por duhet të trajtohet me sinqeritet.
Binjakët
Shikoni përreth: a ka ende kuptim rrethi juaj shoqëror? Saturni retrograd ju shtyn të rishikoni rolin tuaj në një grup, komunitet apo rreth njerëzish dhe të bëni pyetjet e vështira për ata që ju mbështesin vetëm kur u leverdis.
Zgjidhni njerëz që respektojnë kohën dhe energjinë tuaj, jo vetëm atë që mund të përfitojnë prej jush. Edhe synimet dhe ëndrrat tuaja meritojnë të njëjtin vlerësim.
Gaforrja
Karriera juaj do të jetë nën lupë. Saturni retrograd mund të nxjerrë në pah çështje që lidhen me reputacionin, drejtimin profesional dhe planet tuaja për të ardhmen.
Mund të ndiheni sikur përparimi po ngadalësohet ose sikur autoriteti juaj po vihet në provë. Mos u dekurajoni. Rishikoni drejtimin e synimeve dhe ëndrrave tuaja. Si dëshironi të shfaqeni vërtet në botë?
Luani
Vëreni në pikëpyetje planin përpara se të ndërtoni të gjithë të ardhmen mbi të. Saturni retrograd mund të sjellë zbulime të rëndësishme në lidhje me arsimin, rrugën shpirtërore ose mënyrën se si e shihni botën.
Mund të rishikoni një aplikim, të shtyni një zhvendosje ose të kuptoni se një rrugë që dikur e idealizonit nuk është aq praktike sa mendonit. Hiqni dorë nga bindjet kufizuese dhe tregohuni besnikë ndaj vetes.
Virgjëresha
Sinqeriteti do t’ju kursejë kohë, para dhe pakënaqësi. Kjo është veçanërisht e vërtetë kur bëhet fjalë për financat e përbashkëta, borxhet dhe çështjet intime.
Mos u shmangni bisedave të vështira. Besoni se ato mund t’ju çojnë drejt një stabiliteti më të madh në planin afatgjatë.
Peshorja
Shfrytëzojeni këtë periudhë për të vendosur kufij në jetën tuaj personale. Një marrëdhënie romantike ose profesionale mund të vihet në provë për shkak të angazhimit, kufijve ose përpjekjeve të pabarabarta.
A po jepni shumë apo shumë pak? Mund të rinegocioni një marrëveshje ose të kuptoni se kimia nuk mjafton për ta mbajtur diçka në këmbë për një kohë të gjatë.
Akrepi
Rutina juaj do të nxjerrë në pah atë që ambicia juaj ka përpjekur të injorojë. Saturni retrograd do të vërë në provë mënyrën se si e organizoni përditshmërinë.
Kjo është një thirrje për të rishikuar gjithçka, nga zakonet e përditshme te ekuilibri mes punës dhe jetës personale. Mund të përballeni me lodhje të thellë, të riorganizoni orarin ose të kuptoni se sistemi juaj aktual funksionon vetëm sepse ju jeni vazhdimisht të mbingarkuar.
Shigjetari
Krijoni diçka për të cilën keni pasion dhe që ia vlen ta përfundoni. Saturni retrograd ju sfidon të bëni një hap pas dhe të rishikoni atë që ju sjell vërtet gëzim dhe përmbushje.
Një lidhje romantike, projekt personal ose nismë krijuese mund të kërkojë më shumë durim nga sa prisnit. Ndoshta ka ardhur koha të lini pas projekte apo ide të vjetra që nuk përputhen më me personin që jeni bërë.
Bricjapi
Nuk mund të krijoni paqe mbi tensione të pazgjidhura. Shtëpia, familja dhe baza juaj emocionale mund të kenë nevojë për ristrukturim përpara fundit të vitit.
Çështje të pazgjidhura nga e kaluara mund të rishfaqen papritur dhe të ndikojnë në gjendjen tuaj emocionale. Mund t’ju duhet të vendosni kufij me të afërmit, të rishikoni një zhvendosje ose të përballeni me një përgjegjësi që ka përfunduar papritur mbi shpatullat tuaja.
Ujori
Flisni dhe sigurohuni që mund të qëndroni pas fjalëve që thoni. Saturni retrograd ju shtyn të reflektoni mbi mënyrën se si komunikoni, si trajtoni marrëveshjet dhe si kujdeseni për gjërat që ju rrethojnë.
Mund të rishikoni një propozim, të korrigjoni një keqkuptim ose të bëheni më përzgjedhës për atë që meriton kohën dhe energjinë tuaj. Fjalët tuaja nuk do të jenë aspak të parëndësishme gjatë kësaj periudhe.
Peshqit
Financat dhe mënyra se si e vlerësoni veten do të jenë në qendër të vëmendjes gjatë pesë muajve të ardhshëm.
Mund të kuptoni se po kërkoni shumë pak për punën tuaj, po shpenzoni më tepër seç duhet ose po qëndroni të varur financiarisht për arsye më të thella nga sa mendonit.
Mos prisni të ndiheni të denjë për të filluar ta vlerësoni veten. Shfrytëzojeni këtë periudhë për të vendosur synime të reja financiare që pasqyrojnë vlerën tuaj, si në aspektin personal, ashtu edhe në atë ekonomik.