Një ngjarje e rëndë tronditi hotelin ku qëndronte këngëtari i famshëm Liam Payne, i cili ndërroi jetë në rrethana që nuk janë zbuluar akoma.
Burimet bëjnë me dije se ishte menaxheri i hotelit ai që lajmëroi policinë për situatën e pazakontë, duke përshkruar se Payne po sillte shqetësim dhe mund të ishte nën efektet e drogës dhe alkoolit.
Sipas telefonatës, këngëtari kishte shkaktuar zhurmë dhe kishte dëmtuar mobiljet në dhomë.
Raportohet se menaxheri tha se kishte drogë në dhomë dhe se Liam po sillej në mënyrë agresive dhe të çuditshme në ballkon, duke shfaqur shenja që e kishin bërë stafin të shqetësohej për sigurinë e tij.
“Ka një njeri në ballkon dhe ne kemi frikë se mund të bëjë diçka për të vënë në rrezik jetën e tij,” u shpreh menaxheri, ndërsa përshkroi se situata ishte e tensionuar.
Detajet e plota mbi këtë incident tragjik vijojnë nën hetim, ndërsa fansat dhe dashamirësit në të gjithë botën janë në zi për humbjen e këngëtarit.
LEXO EDHE: