TIRANË– Erion Alibej i cili tashmë njohet si i penduari i drejtësisë ka rrëfyer në GJKKO rolin e Xhuliano Hoxhës në vrasjen e Emiljano Ramazanit, krim i ndodhur më 20 Korrik të vitit 2020.
Alibej, gjatë pyetjeve të bëra nga avokati i Xhuliano Hoxhës, ka treguar se Nuredin Dumani nuk e njihte Emiliano Ramazanin.
“Unë ia kam treguar. I kam thënë se kush është. I kam dhënë informacione edhe për Elio Bitrin. Ne nuk kishim një plan konkret. Nuk kishim një listë. Shikonim dhe e vlerësonim si do vepronim? Emiliano Ramazani ka qenë njëri i afërt i Talo Celës, i Mikael Qoses i vëllezërve Çopja. Kisha informacione pa fund për të.”- tha Alibej.
Ndër të tjera ai tha se ditën e ekzekutimit të Ramazanit kam folur me Xhulianon: Emiliano rrinte gjatë në palestër. Nga dita kur u nisëm për ekzekutimin e tij e derisa ai doli nga palestra, Xhuliano ka qenë gjithë kohës aktiv. Ka qëndruar aty dhe kemi folur bashkë në vijimësi në SKY ECC. Për mua ishte i besueshëm informacioni. Ditën e ekzekutimit vetëm ai ka qenë informator./Radar.al
Kopjoi homologen gjermane? Deputetja Ilva Gjuzi shkon në Komision me foshnje në krah