LEZHË– Ekipi i Besëlidhjes ka nisur sezonin e ri të basketbollit në mënyrën më të shkëlqyer, duke fituar Superkupën e Shqipërisë. Ky sukses i radhës e vendos klubin lezhjan sërish në qendër të vëmendjes dhe sjell një tjetër trofe të rëndësishëm në qytetin e Lezhës.
“Urime për Superkupën e fituar! Ekipi ynë e nis me fitore sezonin e ri të basketbollit. Ky është rezultat i punës së palodhur, pasionit dhe bashkëpunimit të të gjithëve.”– u shpreh Presidenti i klubit, Ylli Ujka.
Presidenti i ekipit të Basketbollit shprehu falënderime të veçanta për Kryetarin e Bashkisë së Lezhës, Pjerin Ndreu, për mbështetjen e vazhdueshme ndaj sportit, si dhe për të gjithë donatorët që kanë qenë krah skuadrës në këtë rrugëtim. Po ashtu, ai vlerësoi punën e drejtuesve të klubit, përkushtimin e lojtarëve, si dhe vizionin e trajnerit Afrim Bilali, i cili ishte një nga arkitektët kryesorë të këtij suksesi.
Fitorja e Superkupës është një sinjal i qartë se Besëlidhja synon fitoren edhe këtë sezon, duke kërkuar të mbrojë titullin kampion dhe të sjellë të tjera suksese për tifozët e saj të zjarrtë./Radar.al
Kopjoi homologen gjermane? Deputetja Ilva Gjuzi shkon në Komision me foshnje në krah