MIRDITË– Veprimet hetimore dhe dëshmitë e mbledhura deri më tani kanë ndihmuar vetëm në rindërtimin e lëvizjeve të viktimës para atentatit.
Bazuar në të dhënat e deritanishme, Valter Lleshi kishte dalë nga banesa e tij në Rrëshen rreth orës 06:00 dhe, së bashku me një koleg pune, ishte nisur drejt kompanisë në Reps, ku punonte.
Rreth dy kilometra para vendit ku ndodhi krimi, kolegu i tij ka zbritur në një lokal, ndërsa 45-vjeçari ka vijuar rrugën i vetëm drejt vendit të punës, për t’u ndeshur me pritën që i mori edhe jetën.
Familjarët e viktimës teksa janë marrë në pyetje nga grupi hetimor, kanë deklaruar se nuk kanë dijeni për ndonjë konflikt apo problem të mundshëm dhe se nuk kanë asnjë dyshim mbi autorët.
Gjithashtu edhe kolegu që udhëtonte me të ka pohuar se nuk kishte vënë re asnjë shqetësim te Lleshi dhe se ai ishte nisur normalisht drejt punës./Radar.al