Jenis Tulja, 44 vjec nga Tirana dhe Mirjan Guveli 45 vjec nga Saranda janë dy shqiptarët e arrestuar në një operacion të madh policor në Greqi këtë të hënë. Ata akuzohen për vrasjen e Irakli Davella pak kohë më parë në shtetin grek, në një atentat të mirëorganizuar.
Davella u ekzekutua në vendin e quajtur Thrakomaqedhones në 15 dhjetor 2024. Nga ngjarja u plagos rëndë edhe shtetasi shqiptar Edi Lulo, identiteti i vërtetë i të cilit është Etmond Hysa.
Dy të dyshuarit janë zbuluar pas kqyrjes së kamerave të sigurisë së lëvizjes së mjetit nga u qëllua me armë zjarri.
Mësohet se të dyshuarit nuk kanë lidhje me viktimat cka i bën hetuesit grekë të dyshojnë se ata janë vrasës me pagesë. Të tjera detaje pritet të zbulohen në orët në vijim./Radar.al