Policia greke ka zbardhur identitetin e dy personave të arrestuar mesditën e 27 janarit të cilët akuzohen për vrasjen e shqiptarit Irakli Davella pak kohë më parë.
Të arrestuarit janë dy shtetas shqiptarë, Jenis Tulja, 44 vjeç nga Tirana dhe Mirjan Guveli 45 vjeç nga Saranda.
Dy të dyshuarit janë zbuluar pas këqyrjes së kamerave të sigurisë së lëvizjes së mjetit nga u qëllua me armë zjarri.
Arrestimi i tyre është bërë në një operacion të zhvilluar njëkohësisht në dy banesa në lagjet “Nea Smyrni” dhe “Peristeri” të Athinës, ku mësohet se është sekuestruar edhe një armë zjarri.
Mësohet se të dyshuarit nuk kanë lidhje me viktimat çka i bën hetuesit grekë të dyshojnë se ata janë vrasës me pagesë. Të tjera detaje pritet të zbulohen në orët në vijim.
Davella u ekzekutua në vendin e quajtur Thrakomaqedhones në 15 dhjetor 2024. Nga ngjarja u plagos rëndë edhe shtetasi shqiptar Edi Lulo, identiteti i vërtetë i të cilit është Etmond Hysa.
Lexo edhe
“Më kanë vr*rë babin”/ Atentati që tronditi Greqinë, policia greke arreston dy persona