Trupat e dy britanikëve u gjetën në dhomat e tyre përkatëse të hotelit në qytetin Hersonissos, në ishullin grek të Kretës.
Trupat e dy turistëve të vdekur u gjetën jo menjëherë sëbashku, por disa orë larg njëri-tjetrit të mërkurën, më 23 tetor.
Policia greke beson se koha e afërt dhe vendndodhja e dhomave të dy viktimave janë thjesht rastësi. Autoritetet po i trajtojnë dy vdekjet në qytetin e vogël të Kretës si të palidhura.
Gruaja 71-vjeçare u zbulua nga djali i saj në dhomën e hotelit ku po qëndronin. Ndërkohë që shërbimet e urgjencës nxituan në dhomën e hotelit, gruaja u deklarua e vdekur në vendngjarje.
Disa orë më vonë, në një hotel tjetër, një 58-vjeçar britanik u gjet pa ndjenja në dhomën e tij të hotelit. Ai u dërgua në spital me një ambulancë, por u konstatua i vdekur pas mbërritjes.
Policia greke ka bërë me dije se burri dhe gruaja kanë pasur probleme shëndetësore në të kaluarën. Zyrtarët aktualisht janë në pritje të autopsisë për të hedhur më shumë dritë mbi arsyet e vdekjes.
Dy vdekjet vijnë vetëm një javë pasi një tjetër turist britanik vdiq në Hersonissos.
Një grua 65-vjeçare ka rënë për vdekje në një hotel ku po qëndronte me bashkëshortin e saj.
Ajo u dërgua me urgjencë në spitalin lokal Venizelio në gjendje të rëndë dhe u shtrua në terapi intensive.
Megjithatë, fatkeqësisht ajo ndërroi jetë të mërkurën e kaluar.