Ministri i Jashtëm i Iranit, Abbas Araghchi, pritet të zhvillojë një vizitë në Moskë, ku sipas raportimeve do të diskutojë me presidentin rus Vladimir Putin mbi zhvillimet e fundit në Lindjen e Mesme dhe negociatat për paqe.
Lajmi është bërë i ditur nga agjencia iraniane ISNA, e cila citon ambasadorin e Iranit në Rusi. Sipas saj, Araghchi do të informojë zyrtarët rusë mbi ecurinë e bisedimeve, armëpushimin dhe situatën aktuale në rajon.
Vizita në Moskë vjen në kuadër të një turi diplomatik që nisi në Islamabad, ku u zhvilluan negociata intensive për zgjidhjen e konfliktit. Gjatë qëndrimit në kryeqytetin rus, diplomati iranian pritet të paraqesë një raport të detajuar mbi këto zhvillime.
Ndërkohë, Ministria e Jashtme ruse ka konfirmuar vizitën, por pa dhënë detaje mbi datën apo nëse do të ketë një takim zyrtar mes Araghchi dhe Putin