Vdekja tragjike e yllit të “Friends”, Matthew Perry, ka marrë një kthesë të re: trafikantja famëkeqe e Los Angeles-it, Jasveen Sangha, e njohur si “Mbretëresha e Ketaminës”, ka pranuar se i shiti drogën që rezultoi fatale për aktorin.
42-vjeçarja, që rrezikon deri në 65 vite burg, është personi i pestë që pranon fajin në këtë zinxhir furnizuesish. Perry u gjet i vdekur në tetor 2023, në xhakuzinë e shtëpisë së tij, ndërsa autopsia tregoi nivele vdekjeprurëse ketamine.
Përveç Sanghës, në skandal janë përfshirë një ish-producent TV, asistenti personal i aktorit dhe dy mjekë që i kishin përshkruar substancën. Të gjithë tashmë kanë pranuar rolin e tyre në tragjedinë që i mori jetën 54-vjeçarit.