Një tjetër aksident me vdekje ka ndodhur këtë të martë në aksin rrugor “Shkodër-Koplik”. Një i moshuar që udhëtonte me një motomjet është përplasur nga një automjet dhe ka ndërruar jetë në spital.
Shkodër/Informacion paraprak
Rreth orës 10:15, në aksin rrugor “Shkodër-Koplik”, shtetasi K. D., 28 vjeç, duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti është përplasur me motomjetin me drejtues shtetasin B. T., rreth 84 vjeç.
Shtetasi B. T. ka humbur jetën, në spital.
Me drejtuesin e automjetit po kryhen veprimet procedurale.
Grupi hetimor po punon për sqarimin e rrethanave të aksidentit.