DURRËS– Një muaj pas inagurimit, është shkulur memoriali i 4 policëve të vrarë nga Dritan Dajti në qytetin e Durrësit. Kujtojmë se katër javë më parë në Durrës u inaugurua pllakata për 4 efektivët e rënë krye të detyrës më 7 gusht të vitit 2009.
Katër policët e ndjerë, Fatos Xhani, Altin Dizdari, Kastriot Feska dhe Saimir Duçkollari u përjetësuan në një nga rrugët kryesore të qytetit.
Rruga në qytetin e Durrësit u riemërua si rruga “Dëshmorët e Kombit” në nderim të tyre.
Ndërkohë sot, të mërkurën e 4 Shtatorit 2024, memoriali në nder të 4 policëve të operacionales është hequr.
Vepra e skulptorit Ardian Pepa e realizuar nën kujdesin e Drejtorisë Vendore të Policisë Durrës, nuk është më. Aty kanë ngelur vetëm vidat.
