Presidenti amerikan Donald Trump pati një përplasje të ashpër me një gazetar të Bloomberg gjatë një transmetimi të drejtpërdrejtë në Fox News. Ngjarja ndodhi jashtë avionit presidencial Air Force One, teksa Trump po përgjigjej për intervistën e Tucker Carlson me mohuesin e Holokaustit, Nick Fuentes.
Në momentin që gazetari e ndërpreu, Trump u ndal, e fiksuan me shikim dhe shpërtheu:
“Do të më lejosh ta përfundoj deklaratën time? Je më i keqi. Je me Bloomberg, apo jo? Nuk e di pse të mbajnë.”
Identiteti i gazetarit tashmë është bërë publik, ndërsa Bloomberg nuk i është përgjigjur kërkesës së New York Post për koment.
Ndërkohë, korrespondentja e CBS News, Jennifer Jacobs, ka zbuluar një incident tjetër të ndodhur së fundmi brenda Air Force One. Sipas saj, Trump i është drejtuar po një gazetari të Bloomberg me fjalët:
“Qetësi, qetësi, derrkuc,”
pasi ai e kishte pyetur pse presidenti “reakton sikur ka diçka për të fshehur” në dosjet ndaj tij.