Tre autorë në atentatin ndaj Kevin Hajrulla, lëviznin me targa italiane të vjedhura, në mjetin e djegur u gjendën…

Kevin Hajrulla, kushëriri i Inez Hajrulla, i njohur ndryshe edhe si i forti i Vlorës ra pre e një atentati mafioz mbrëmjen e 18 dhjetorit.

Ky është Kevin Hajrulla, kushëriri i ‘të fortit’ të Vlorës që u plagos rëndë mbrëmë në atentat

Burimet thanë për Radar.al se drejt 30-vjeçarit, Kevin Hajrulla janë qëlluar mbi 30 plumba, por nuk dihet sa plumba e kanë kapur në trup.

Radar.al mëson se Kevin Hajrulla u qëllua nga një makinë në lëvizje teksa po parkonte mjetin e tij tip ‘Benz’ në lagjen Çole të Vlorës.

Ulërima dhe panik/ 30 vjeçarin e nxjerrin nga makina për në spital, momenti i frikshëm për dëshmitarët e atentatit në Vlorë

Deri tani dyshohet se autorët ishin 3, dy qëlluan me armë, njëri ishte shofer.

Burimet thanë se autorët dogjën makinën në fshatin Panaja pas krimit dhe brenda saj u gjetën dy kallashnikovë. Autorët raportohet se kanë lëvizur me makinë me targa italiane të vjedhura. Por pas djegies së mjetit të autorëve, targat italiane të vjedhura nuk u gjetën

Policia nga dje deri në orët e para të mëngjesit sot po ushtron kontrolle në disa banesa në qytetin bregdetar.