Një ngjarje tragjike tronditi Izraelin teksa u bë me dije vetëvrasja e një 22-vjeçareje në ditëlindjen e saj Shirel Golan.
Dyshohet se e reja në fjalë nuk arriti të rikuperohej kurrë nga tronditja e shkaktuar nga sulmi i Hamasit në festivalin e muzikës Nova ku ishte 7 tetor 2023.
Shirel , e cila mbushi 22 vjeç të dielën, ndonëse duhej ta shijontë ditën e lindjes së saj ajo ndërmori një vendim tragjik duke i dhënë fund jetës.
Familja e Golanit , e udhëhequr nga vëllai i saj Eyal, akuzon qeverinë izraelite se nuk i ka ofruar ndihmë Shirelit në 12 muajt e fundit për t’u marrë me stresin post -traumatik të shkaktuar nga ajo që ajo përjetoi më 7 tetor 2023.
Si i mbijetoi sulmit vdekjeprurës të Hamasit
Shirel dhe partneri i saj, Andy ishin në festivalin Nova në kohën e sulmit të Hamasit.
Mësohet se dyshja në fjalë u futën në një automjet në mënyrë që të largoheshin nga festivali, por shpejt e kuptuan se nuk do të mund ta bënin këtë.
Ndaj ata braktisën automjetin dhe u fshehën për orë të tëra nën një shkurre.
Në një moment, atyre iu dha mundësia të hipnin në një makinë tjetër, banorët e së cilës po përpiqeshin t’i shpëtonin zjarrit të terroristëve të Hamasit.
Por fatkeqësisht, Shirel dhe partneri i saj refuzuan t’i ndiqnin.
Pak më vonë, 11 pasagjerët e mjetit në fjalë ose u vranë ose u rrëmbyen nga Hamasi, siç rrëfeu 22-vjeçari në një intervistë televizive nëntorin e kaluar.
Shirel dhe Andy u shpëtuan përfundimisht nga oficeri i policisë Remo Salman el-Hozayel, i cili komandoi një automjet në të cilin ai shpëtoi gjithsej 200 njerëz nga festivali Nova ndërsa ishte nën zjarr nga terroristët palestinezë.
Shoku post-traumatik
Në javët dhe muajt pas sulmit vdekjeprurës të Hamasit, Shirel zhvilloi simptoma të çrregullimit të stresit post-traumatik ( PTSD ) dhe u shtrua në spital dy herë, megjithëse familja e saj thotë se ajo kurrë nuk u diagnostikua me PTSD.
“Shteti e vrau Shirelin”, tha në mënyrë karakteristike vëllai i 22-vjeçares, Eyal në faqen e internetit Ynet.