Një vajzë e mitur shqiptare humbi jetën tragjikisht më 17 korrik në Itali.
Vogëlushja kishte shkuar bashkë me shoqërinë e saj për t’u freskuar në liqenin e bioparkut AcquaViva në Caraglio.
7-vjeçarja Anisa Murati është vajza e dy prindërve shqiptarë që jetonin prej në Demonte në zonën e Cuneos.
Mediat italaine raportojnë se pas hulumtive të kryera, vogëlushja u gjet dy metra thellë në pellgun e madh artificial.
Kjo tragjedi tronditi komunitetin ku jetonte vajza shqiptare pasi vdekja e saj shoqërohet me shumë aludime.
Babai i 7-vjeçares, duke folur për mediat ka kërkuar të zbardhet e gjithë e vërteta. Sipas tij vajza nuk dinte të notonte, për këtë ishin vënë në dijeni edhe mësuesit, prandaj i kishin dhënë me vete edhe krahë ndihmës.
‘Ajo ishte jeta ime, pse ka vdekur në këtë mënyrë, unë kërkoj drejtësi deri në fund për këtë tragjedi’, ka thënë babai i vogëlushes.
Edhe pse kishte pasur dhjetëra fëmijë, në biopark ishin vetëm 7 shoqërues, vetëm dy ishin të rritur.
Bioparku tashmë është në sekuestrim për periudhën e nevojshme për hetimet gjyqësore dhe së shpejti do të kryhet autopsia e vogëlushes.