Detaje të reja dalin nga aksidenti fatal në autostradën A4 në Itali, ku Egidio Ceriani, 82 vjeç, duke drejtuar në krahun e kundërt për disa kilometra, vrau katër persona.
Familjarët dhe miqtë e të moshuarit thanë se ai nuk kishte fjetur për dy ditë dhe po merrte pilula gjumi. Kunata e tij tregoi se atë mëngjes ai kishte kërkuar ilaçe, ndërsa askush nuk e di pse doli me makinë dhe hyri në autostradë.
Sipas policisë, Ceriani kishte patentën e rinovuar vetëm dy vite më parë dhe jetonte vetëm. Hetimet do të përcaktojnë nëse ai ishte nën efektin e ilaçeve në momentin e aksidentit. Ai drejtoi në krahun e gabuar për rreth 7 kilometra përpara përplasjes fatale.
Autopsia dhe analiza toksikologjike do të zbulojnë nëse pilulat e gjumit ndikuan në tragjedinë që tronditi Italinë.